గంగ గరుడాలెత్తుకెళ్ళేరా..ఇంక ఆంబోతులాట సాగేరా..
ఎండినా దుక్కుల్ల సూడు, ఎన్నడెండని కండ్లు సూడు
భూమి బుగ్గై పోయె.. సూడు బొంద గడ్డల జోరు సూడు..
ఎవ్వారొ...
ఎవ్వారొ ముద్దు బిడ్డలు రా... ఎందుకనొ పరుగెట్టినారు రా..
ఎవ్వారొ ముద్దు బిడ్డాలెందుకనొ పరుగెట్టినారురా..
ఎవ్వారొ ముద్దు బిడ్డలెందుకనొ పరుగెట్టినారు
ఎర్రనీ మడుగుల్ల మునిగి ముద్దలాయె ముద్దు బిడ్డల్
బోరు బోరుగ గండమోర్లు పెట్టి గుండె పగిలే తల్లులు
ఈ కడుపుకోతలు నార్పెదెవ్వరు రా
ఆ కలుపు మొక్కల కాల్చెదెవ్వడు రా
రాకాసి బల్లులంతా రాజ్యమేలే రాజులంటా -2
రావణాసురులంత జేరి రోజు కొక్కా రచ్చ పెడితే..
పంట చీడను మట్టు పెట్టే పురుగు మందుల విందులాయె--2
ఎంత నెత్తురు ఏరులైన వ్వాని దూప తీరదాయే
జాలి జూపర జంగమయ్యా జాగిలాలా జాతరాపర.. -2
కొండ దిగిరా కొమూరన్నా కొండ ముచ్చుల కోర్కె దీర్పర..
రెండు పూటల్ పస్తులుండీ నిండు ప్రాణాలెన్నొ మింగె -2
గోండ్రు కప్పలు గుంట నక్కలు కాకి కూత కోడెనాగులు ..
గద్దె కొరకే గాడ్దికొడుకుల్ గత్తారాలేపేరురా
ఇది మారీచులాటరా నువ్ మర్మమెరుగర పామర
--2
ఆడు తెస్తడొ, ఈడు తెస్తడు
అవ్వ ఇస్తదొ అయ్య తెస్తడొ
-2
ఎవ్వడిచ్చెదేంది రా ఇది ఎవ్వనీ జాగీరురా.. -2
నీకు నువ్వే రాజురా నిన్నేలెటోడింకెవడురా-2
గంగ గరుడాలెత్తుకెళ్ళేరా ..ఇంక ఆంబోతులాట సాగేరా
ఎండినా దుక్కుల్ల సూడు, ఎన్నడెండని కన్ను సూడు
భూమి బుగ్గై పోయె సూడు బొంద గడ్డల జోరు సూడు..
గంగ గరుడా... గంగ గరుడాలెత్తుకెళ్ళేరా
6 comments:
హ్యాట్స్ ఆఫ్ ఉదయభాను'గారు'!
నా చిన్నప్పటి నుంచి చూస్తున్నా.. మన ఉదయభాను గారు చలాకీగా, ఎంతో హూందాగా వ్యవహరించేది. నాకేమీ తప్పనిపించలేదు.. కానీ సమాజం లో మాత్రం అవాకులు చవాకులు వినిపిస్తుండేవి..ధైర్యంగా ముందుకెళ్తున్న భాను గారి లాంటివారు ఎంతో మందికి ప్రేరణగా నిలుస్తారు..
మీరు ఈ పాట ని మీ బ్లాగ్ లో ప్రచురించినందుకు చాలా సంతోషం .
ఈ పాట లో ఒక వాక్యం లో చిన్న సవరణ ....
"బోరు బోరుగ గండమోర్లు పెట్టి గుండె పగిలే తల్లులు" అని ఉండాలి....
దయచేసి సవరించగలరు......
వెంకట్ గారు:
పాటను సవరించాను. పాట వింటూ వ్రాసేటపుడు నాకు ఆ వాక్యం అర్థం కాలేదండి. చదివి సవరణ పంపినందుకు ధన్యవాదాలు.
(ఇంటర్నెట్ లో ఎక్కడా ఈ పాట వ్రాతప్రతి దొరకలేదు..)
గంగ గరుడాలెత్తుకెళ్ళు అంటే ఏమిటో చెప్పగలరు.
Gaddalu ettuka poinavi neellani ani..vechi choosi right time lo gaddalu tannuku potay vaati food ni..
Post a Comment